Georges De Rham (Roche (Vaud), 1903ko irailaren 10a - Lausana, 1990eko urriaren 9a) suitzar matematikaria izan zen. Bere bizitzako urte gehienak Lausanan eman zituen arren, atzerriko unibertsitate askotako irakasle bisitaria izan zen. Matematikan ekarpen garrantzitsuak egin zituen, De Rhamen kohomologia deritzana batez ere. Horrez gainera, 1950ean geometria diferentzialerako aurrerapen handia izan ziren zenbait teoria aurkeztu zituen, eta Riemannen geometriari buruz egindako lana ere garrantzi handikoa izan zen.